Apple iOS 16 va iPadOS 16 operatsion tizimlari uchun navbatdagi yangilanishni chiqardi. Ular yangi funksiyalarni qo‘shmaydi, lekin  foydalanuvchilarni xavfli zaifliklardan himoya qilishga qodir.

Operatsion tizimlarning so‘nggi versiyalarida Find My ilovasida maxfiy ma’lumotlarning chiqib ketishiga olib kelishi mumkin bo‘lgan zaiflik bartaraf etildi. Bir nechta xavfsizlik yamoqlari OS yadrosini, shuningdek, xakerlar osongina kirishi mumkin bo‘lgan funksiya va ilovalarni himoya qilishga qaratilgan.

Bundan tashqari, yangilanish WebKit dvigatelidagi zaiflikni tuzatadi, IT-mutaxassislarning fikricha, tajovuzkorlar undan faol foydalangan. Apple rasmiy veb-saytida dasturiy ta’minotdagi tuzatishlar haqida to‘liq hisobotni o‘qishingiz mumkin.

Patchni iPhone 8 va undan yangiroq, iPad Pro va iPad Air (3 avlod yoki undan keyingi) va iPad mini 5 avlod yoki undan keyingi versiyalarida yuklab olish mumkin. Bundan tashqari, watchOS 9.6, tvOS 16.6 va macOS 13.5 operatsion tizimlariga bir nechta xavfsizlik patchlari kiritilgan.