Telegram Premium obunachilari soni 4 million nafardan oshdi.
Telegram Premium obunachilari soni 4 million nafardan oshdi. Bu haqda Telegram Messenger Inc. asoschisi, dasturchi va tadbirkor Pavel Durov o‘zining ingliz tilidagi rasmiy telegram-kanalida ma’lum qildi.
Oxirgi besh oyda messenjerdan pulli foydalanuvchilar soni ikki baravar, so‘nggi bir yil mobaynida to‘rt karra ko‘paydi, deb yozdi Durov. Kecha, 8-dekabr kuni Telegram Premium obunachilari soni 4 millionlik dovondan oshgan.
“Ishga tushirilganiga bir yarim yildan kam vaqt o‘tgan Telegram Premium xabarlar almashuvchi ilovalar tarixida eng tez o‘sgan pulli obunaga aylandi”, — deb yozdi tadbirkor.
Durov Telegramdan pulli foydalanuvchilarga minnatdorlik bildirib, messenjerga har oy yangi funksiyalar qo‘shib borilayotganini ta’kidladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter