Google Chrome brauzerda yangi yuklab olish menejerini sinab ko‘rmoqda
Reddit foydalanuvchisi Leopeva64-2 Chrome brauzerida oynaning pastki qismidagi mavjud satrni almashtirish uchun yangi yuklab olish menejeri borligini aytdi. Bu funksiya faqat Canary foydalanuvchilari va beta-versiyalari uchun Chrome 111’da yoqilgan.
Yangi menejer kengaytmalar menyusining o‘ng tomonidagi belgi bo‘lib, u faol yuklab olishlar holatini va ularning sonini ko‘rsatadi.
Barqaror versiya foydalanuvchilari ham funksiyani yoqishlari mumkin. Buning uchun Chrome qidiruv satriga chrome://flags#download-bubble kiriting va brauzerni qayta ishga tushiring.
Xususiyat sinov tugagandan so‘ng bir necha oy ichida ommaga ochiq bo‘lishi mumkin.
Yanvar oyida Google Chrome brauzerining 109-versiyasini taqdim etdi.U MathML Core belgilash tilini qo‘llab-quvvatladi, unumdorligi va ishonchliligi yaxshilangan ko‘p platformali yangilash mexanizmi, About this page va hokazo.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter