Farg‘onada yangi Inkubatsiya va akseleratsiya markazi ochildi
10-aprel kuni Farg‘ona politexnika institutida IT Park Farg‘ona filiali bilan hamkorlikda bo‘lib o‘tayotgan InnoMix — innovatsion loyihalar haftaligi doirasida Inkubatsiya va akseleratsiya markazi ochilib, foydalanishga topshirildi.
Markaz axborot texnologiyalari sohasida yangi loyihalarni amalga oshirish va ushbu yo‘nalishda yoshlar salohiyatidan samarali foydalanish maqsadida tashkil etilgan. Bu yerda har chorakda inkubatsiya dasturlari, xakatonlar, ideatonlar, tanlovlar, seminarlar, vebinarlar, master-klasslar va boshqa ko‘plab tadbirlar o‘tkaziladi.
Yangi markazda talabalarning axborot texnologiyalari sohasini puxta egallashi, shuningdek, istiqbolli startap loyihalarini tayyorlash va ishga tushirishi uchun barcha shart-sharoit yaratilgan.
InnoMix tanlovlar haftaligiga ham shu kuni start berildi. Tadbir doirasida xakaton, “TechnoWays“ texnologik rivojlanish marafoni, shuningdek, “Ayollar tadbirkorligiga birinchi qadam” dasturi o‘tkaziladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter