StatCounter tahliliy kompaniyasi turli platformalar uchun brauzerdan foydalanish statistikasini yangiladi. Kompyuter bozorida eng katta kurash boshlandi - tahlilchilarning fikriga ko‘ra, Microsoft ning veb-syorfing ilovalari mashhurlik reytingida Apple ni chetlab o‘tish uchun barcha imkoniyatlarga ega.

Desktop segmentining yetakchisi, avvalgidek, Google Chrome. 2022 yilning fevraliga kelib, uning mashhurligi biroz pasaydi, ammo 64,92% bilan o‘z ta’sirini yo‘qotmagan. Ikkinchi o‘rinda Apple Safari (9,75%),  uchinchi o‘rinda 9,56 foiz bilan Microsoft Edge. Top 5 talikni Mozilla Firefox va Opera – mos ravishda 9,41% va 2,41% ko‘rsatkichlari bilan yopmoqda.

Mobil segmentida ham Google brauzeri yetakchilik qilmoqda (62,36%). Safari ning ushbu versiyasi desktop versiyasiga qaraganda ancha yaxshi bo‘lib, smartfon va planshetlar uchun brauzer bozorining to‘rtdan birini (25,67%) tashkil etdi. Uchinchi o‘rin Samsung Internet ga tegishli bo‘lib, u 4,98% foydalanuvchilar uchun asosiy deb hisoblanmoqda. Boshqa barcha ilovalarning ulushi sezilarli darajada past.