StatCounter таҳлилий компанияси турли платформалар учун браузердан фойдаланиш статистикасини янгилади. Компьютер бозорида энг катта кураш бошланди - таҳлилчиларнинг фикрига кўра, Microsoft нинг веб-сёрфинг иловалари машҳурлик рейтингида Apple ни четлаб ўтиш учун барча имкониятларга эга.

Десктоп сегментининг етакчиси, аввалгидек, Google Chrome. 2022 йилнинг февралига келиб, унинг машҳурлиги бироз пасайди, аммо 64,92% билан ўз таъсирини йўқотмаган. Иккинчи ўринда Apple Safari (9,75%),  учинчи ўринда 9,56 фоиз билан Microsoft Edge. Топ 5 таликни Mozilla Firefox ва Opera – мос равишда 9,41% ва 2,41% кўрсаткичлари билан ёпмоқда.

Мобил сегментида ҳам Google браузери етакчилик қилмоқда (62,36%). Safari нинг ушбу версияси десктоп версиясига қараганда анча яхши бўлиб, смартфон ва планшетлар учун браузер бозорининг тўртдан бирини (25,67%) ташкил этди. Учинчи ўрин Samsung Internet га тегишли бўлиб, у 4,98% фойдаланувчилар учун асосий деб ҳисобланмоқда. Бошқа барча иловаларнинг улуши сезиларли даражада паст.