Huawei birinchi marta O‘zbekiston talabalarini Yaqin Sharq va Markaziy Osiyo mintaqasining eng nufuzli AKT tanlovi va iqtidorlar almashinuvi platformasi bo‘lgan ICT Competition 2023-2024 tanlovida ishtirok etishga taklif qildi.

Ro‘yxatdan o‘tish muddati: 2023-yil 15-oktyabrgacha.

Ma’lumot uchun: ICT Competition — Huawei ICT Academy dasturining muhim elementlaridan biri bo‘lib, u AKT sohasida iste’dodlarni rivojlantirish va mutaxassislarni tayyorlashga mo‘ljallangan. Tanlov 2015-yildan buyon har yili dunyo bo‘ylab o‘tkazib kelinmoqda, talabalar va mutaxassislar o‘rtasida bilim, tajriba va g‘oyalar almashinuvi platformasiga aylangan. Bu yil O‘zbekistonda ilk bor o‘tkaziladi.

Mazkur tanlov orqali Huawei talabalarga sog‘lom raqobat va fikr almashish uchun platforma taqdim etish, shu orqali ularning AKT sohasidagi bilim va amaliy ko‘nikmalarini oshirish, shuningdek, yangi texnologiyalar va platformalar yordamida innovatsiyalar yaratish qobiliyatini oshirishni maqsad qilgan. O‘tgan yilgi ICT Competitionda 2000 dan ortiq kollej va universitetlardan 120 mingdan ortiq talaba ishtirok etgan.

Tanlov haqida batafsil.