Geely компанияси Хитойда Geely Boyue номи билан танилган янги Geely Аtlas оилавий кроссоверининг биринчи расмий тасвирлари ва техник хусусиятларини тақдим этди. Хитойда янги модел Geely Boyue Cool номи билан чиқарилади.

Кучли Volvo двигателига эга илк автомобиллар жорий йилнинг биринчи ярмида ўз эгаларига топширилади. Geely ишқибозлари апрел ойидан бошлаб янги кроссоверга олдиндан буюртма беришлари мумкин.

Geely Boyue Cool асосан ёшлар учун мўлжалланган бўлиб, у люкли катта панорамали томга ва олд қисми матрицали катта қора панжарага эга.

Шунингдек, автомобил Volvo ва Geely томонидан биргаликда ишлаб чиқилган тўрт цилиндрли,180 от кучига эга 1,5 двигател ҳамда 7 поғонали DCT узатмалар қутиси билан жиҳозланган.

Орқа томонида эса тўртта эгзоз тизими, янги ЛEД фаралар ва баланд ўрнатилган тормоз чироғи мавжуд.

Янги автомобилнинг салони ҳақида тўлиқ маълумотлар ҳали ошкор этилмаган, бироқ Geelyнинг айтишича, Boyue Cool тўлиқ LCD асбоблар панели, катта марказий бошқарув экрани ва кўп функцияли антибактериал рулни ўз ичига олган “рақамли интерактив кабина” концепциясини тақдим этади.