Apple ўз 5G-модемини чиқара олмади
Apple компанияси ўз 5G-модеми устидаги ишларни вақтинчи тўхтатди. Бу ҳақда MacRumors хабар берди.
Портал журналистлари осиёлик таниқли инсайдерларга асосланиб ёзишича, Америка IT-гиганти ўз модемларини ишлаб чиқиш бўйича дастурини вақтинча ёпган. Корпорация бешинчи авлод тармоқларида ишловчи модемлар чиқариб, уларни ўзининг флагман қурилмаларига ўрнатишни кўзлаганди.
Apple компаниясининг бу мақсадга яқинлашиш йўлидаги уринишлари зое кетди, дейишмоқда инсайдерлар. Япон манбаларига кўра, муваффақиятсизлик сабабли корпорация лойиҳа учун ажратилган кўпмиллионли сармояларни қисқартиради.
MacRumors қўшимча қилишича, 2019 йилда Apple кўплаб муҳандисларни ишга ёллаб, Intel компаниясининг смартфонлар учун модемлар чиқариш бўлимини сотиб олганди. Мутахассислар зиммасига 2023 йилда компаниянинг ўз модемини тайёр ҳолатга келтириш юкланганди. Таъкидланишича, модемлар борасида Apple рақобатчиларидан “бир неча йиллар” ортда қолиб кетган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter