Bloomberg ахборот агентлиги BloombergGPT нейротармоғини яратди, у нашрнинг асосий мавзулари бўлган молия ва бизнес билан боғлиқ саволларга жавоб беришга қодир. Янги технология тезислар асосида сарлавҳалар ёзиш имкониятига эга, шунингдек журналист, иқтисодчи ва бошқа манфаатдор шахсларга керакли маълумотларни тақдим этади.

Bloomberg ўзининг сунъий интеллект моделини OpenAI GPT билан бир хил асосий технология асосида қурди. Bloomberg технологияси сўнгги 20 йил давомида ахборот агентлиги томонидан тўпланган кўплаб молиявий ҳужжатлар бўйича ўқитилади, улар қимматли қоғозлар ҳужжатлари, пресс-релиз, янгилик ва бошқа нашрларини ўз ичига олади. Bloomberg нейротармоғидаги маълумотларнинг тахминан 50 фоизи GitHub, Википедия ва YouTube субтитрларидан олинган. 

Aгентлик ChatGPT билан рақобатлашадиган чат-бот яратишни режалаштирмаяпти. Aйни пайтда Bloomberg сунъий интеллект модели имкониятлари орқали молиявий бозорни ўрганиш ва таҳлил қилиш бўйича Terminal хизматининг функционаллигини кенгайтирмоқчи.