OpenAI асосчиси ва бош директори Сем Алтман СИ келажагини ким назорат қилишини тушунтирди.

Сунъий интеллектнинг жадал ривожланиши стратегик танловни талаб қилади.

Алтманнинг таъкидлашича, Ақш ва унинг иттифоқчилари авторитар режимлар томонидан назорат ва жосуслик учун ишлатилишининг олдини олиш учун сунъий интеллектни ривожлантиришда давом этишлари керак.

СИ соҳасида етакчиликни таъминлаш учун Қўшма Штатлар тўртта ҳаракатни амалга ошириши керак.

Биринчидан, интеллектуал мулк ва маълумотларни ҳимоя қилиш учун кучли хавфсизлик чораларини яратиш. Иккинчидан, сунъий интеллект тизимларини қўллаб-қувватлаш учун инфратузилмани, жумладан, маълумотлар марказлари ва электр станцияларини ривожлантириш.

Учинчидан, экспорт қоидалари ва хорижий инвестициялар устидан назоратни аниқ белгилаб берувчи тижорат дипломатияси сиёсатини ишлаб чиқиш. Ва ниҳоят, сунъий интеллектни ишлаб чиқиш ва жорий этиш меъёрларини, шу жумладан Хитой билан мулоқотни ўрнатиш учун янги моделларни яратиш.

Алтман, шунингдек, сунъий интеллектни тартибга солиш учун Халқаро атом энергияси агентлигига ўхшаш халқаро агентлик яратишни таклиф қилди.