"Коммерсант" нашрининг хабар беришича, Сбербанк ва Альфа-Банк иловалари тегишли ташкилотларга нисбатан санкциялар қўлланилганлиги сабабли тез орада Аpp Store ва Google Play иловаларидан ўчириб ташланади.

Экспертнинг сўзларига кўра, бу яқин келажакда амалга оширилмайди, чунки АҚШ томонидан Сбербанк билан операцияларни якунлаш бўйича халқаро битимларга 13 апрелгача, Альфа-Банк билан эса 6 майгача рухсат берилган.

Агар Сбербанк ва Альфа-Банк Аpp Store ва Google Play мобиль иловаларидан ўчирилса ҳам, фойдаланувчилар маълум муддат иловаларнинг жорий версияларидан фойдаланишлари мумкин бўлади. Эҳтимол, Аndroid ОС фойдаланувчилари учун Сбербанк ва Альфа-Банк ўз иловаларини тўғридан-тўғри банк веб-сайтларидан юклаб олиш имконини бериши мумкин. Аммо бу фойдаланувчининг хавфсизлик даражасини пасайтиради.

Агар иловалар Аpp Store`дан ўчирилган бўлса, iPhone эгалари мобиль банкингдан фақат браузер орқали фойдаланишлари мумкин. Шуни ҳам инобатга олиш лозимки, фойдаланувчилар томонидан ўрнатилган версиялар ҳам "Ушбу дастур ҳозирда сизнинг мамлакатингиз ёки минтақангизда мавжуд эмас" хатосини бериши ҳам эҳтимолдан холи эмас.

2022 йил 6 апрель куни оммавий ахборот воситаларида АҚШ ғазначилиги Россиянинг энг йирик хусусий банки Альфа-Банк ва Сбербанкга қарши тўлиқ блокировка қилувчи санкциялар жорий этгани ҳақида хабар тарқалди. Санкциялар орасида банк активларини музлатиш ва АҚШ фуқаролари ва компанияларига улар билан бизнес юритишни тақиқлаш ҳам киради. Шунингдек, чекловчи санкциялар Сбербанк ва Альфа-Банкнинг активлари ва операцияларини тўлиқ блокировка қилишни ўз ичига олади.