Илон Маскда яна бир муаммо
Туркия Рақобат кенгаши Twitter’ни сотиб олгани муносабати билан Илон Маскни жаримага тортишга қарор қилди. Эълон қилинган баёнотда айтилишича, жарима бошқарувнинг рухсатисиз компанияни эгаллагани учун қўйилган.
Натижада миллиардер 2022 йилда Twitter’нинг Туркиядаги даромадининг 0,1 фоизи миқдорида жаримага тортилди (аниқ сумма ҳали белгиланмаган). Кенгаш баёнотида айтилишича, қарор устидан судга шикоят қилиниши мумкин.
Эслатиб ўтамиз, 2022 йилнинг 27 октябрь куни Маск худди шу номдаги ижтимоий тармоққа эгалик қилувчи Twitter’ни сотиб олиш бўйича 44 миллиардлик шартномани тузган эди. Бир неча ой ичида у компания ходимларини бир неча бор қисқартирди ва шу йил охиригача Twitter бош директори лавозимини тарк этишга ваъда берди.
Бир ҳафта олдин Илон Маск қолган ходимларига 2023 йил 24 мартдаёқ “жуда муҳим” акция бонусларини олишлари ҳақида электрон почта хабарини юборган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter