Ўзбекистон терма жамоаси аъзоси Халқаро информатика олимпиадасида бронза медали соҳиби бўлди
Ўзбекистон терма жамоаси Мисрда ўтказилган информатика бўйича 36-халқаро олимпиадада қатнашди. Жамоа аъзолари 90 дан зиёд давлат вакиллари иштирок этган олимпиадада совринли ўринни эгаллашди.
Олимпиадада терма жамоамиз вакили Мардон Ҳазратов бронза медалини қўлга киритди. Асилбек Суннатов эса "Honorable mention" (намунали иштирок) мукофотига сазовор бўлди.
Терма жамоаларни тайёрлашда ТАТУ университети Спорт дастурлаш йўналишида кўзга кўринган мураббийлар ва талабалар ҳам жалб этилган. Хусусан, ТАТУ докторанти Сунатулло Ҳожиев, ТАТУ талабаси Мироқилов Давлатбек ва бошқалар шулар жумласидандир.
Эслатиб ўтамиз, IOI олимпиадаси 2026 йил илк бор Ўзбекистонда ўтказилади. Унда 100 дан зиёд давлат вакиллари иштирок этиши кутилмоқда. Бугунги кунда ушбу олимпиадани юқори даражада ўтказиш учун таёргарлик ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter