Ўзбекистон Электрон ҳукумат рейтингида 6 поғона юқорилаб 63-ўринга кўтарилди
Кеча, 17 сентябр куни БМТнинг Ижтимоий ва иқтисодий масалалар департаменти (UNDESA) томонидан БМТга аъзо 193 давлат электрон ҳукуматининг ривожлантириш ҳолатини тақдим этувчи UN E-Government Survey"нинг 2024 йилги натижалари "Барқарор Ривожланиш учун Рақамли Трансформацияни кучайтириш” номи остида эълон қилинди.
Аввалги 2022 йил натижаларига кўра, Ўзбекистон мазкур рейтингда 0,7265 қиймат билан 69-ўринни эгаллаган бўлса, 2024 йилда 0,7999 индекс ҳисобига 6 поғонага юқорилаб, 63-ўринга чиқди.
Ўз навбатида, илк маротаба Ўзбекистон баланд электрон ҳукуматни ривожлантириш индекси гуруҳидан (High EGDI) дан жуда баланд (Very High EGDI) гуруҳига қўшилди.
Ушбу натижа, ҳаттоки, “Рақамли Ўзбекистон — 2030” стратегиясининг мақсадли кўрсаткичларида 2025 йил учун белгиланган 0,75 қийматдан ҳам ошди.
Бу эса мамлакатимизда рақамлаштириш ва электрон ҳукумат тизимида олиб борилаётган ишлар самарадорлигига яққол намуна бўлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter