O‘zbekiston Elektron hukumat reytingida 6 pog‘ona yuqorilab 63-o‘ringa ko‘tarildi
Kecha, 17-sentyabr kuni BMTning Ijtimoiy va iqtisodiy masalalar departamenti (UNDESA) tomonidan BMTga a’zo 193 davlat elektron hukumatining rivojlantirish holatini taqdim etuvchi UN E-Government Survey"ning 2024-yilgi natijalari "Barqaror Rivojlanish uchun Raqamli Transformatsiyani kuchaytirish” nomi ostida e’lon qilindi.
Avvalgi 2022-yil natijalariga ko‘ra, O‘zbekiston mazkur reytingda 0,7265 qiymat bilan 69-o‘rinni egallagan bo‘lsa, 2024-yilda 0,7999 indeks hisobiga 6 pog‘onaga yuqorilab, 63-o‘ringa chiqdi.
O‘z navbatida, ilk marotaba O‘zbekiston baland elektron hukumatni rivojlantirish indeksi guruhidan (High EGDI) dan juda baland (Very High EGDI) guruhiga qo‘shildi.
Ushbu natija, hattoki, “Raqamli O‘zbekiston — 2030” strategiyasining maqsadli ko‘rsatkichlarida 2025-yil uchun belgilangan 0,75 qiymatdan ham oshdi.
Bu esa mamlakatimizda raqamlashtirish va elektron hukumat tizimida olib borilayotgan ishlar samaradorligiga yaqqol namuna bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter