Рақамли технологиялар вазири Шерзод Шерматов АҚШга хизмат сафари доирасида NVIDIA компаниясининг сунъий интеллектни тадбиқ этиш бўйича Глобал директори Шилпа Колхаткар билан учрашув бўлиб ўтди.  

Учрашувда вазир Ўзбекистоннинг рақамли трансформация стратегиясини амалга оширишда суний интеллект технологияларининг аҳамиятини таъкидлаб, Саудия Арабистонининг Akwa Power компанияси тизимидаги Datavolt компанияси билан яшил Data марказ қуриш бўйича амалга оширилаётган саъй-ҳаракатлар ва сунъий интеллект стратегияси билан таништириб ўтди. 

Томонлар юртимизда СИ инфратузилмаси ривожлантиришда компания билан ҳамкорлик имкониятлари, NVIDIA томонидан Ўзбекистонда юқори самарадорликка эга ҳисоблаш технологияларини жорий этиш, соғлиқни сақлаш, жамоат хизматлари ва ақилли шаҳарлар каби соҳаларда инновацион лойиҳаларни амалга ошириш истиқболлари муҳокама қилинди. 

Жумладан, СИ тадқиқот марказлари ва инновацион марказларни ташкил қилиш ҳамда давлат хизматчилари ва ёшларни СИ соҳасида ўқитиш бўйича дастурларни амалга ошириш имкониятларига эътибор қаратилди.