AnTuTu бенчмарки анъанавий Android-смартфонлар рейтингининг август ойи натижаларини эълон қилди. 2023 йилнинг август ойида энг кучли, яъни қотмасдан ишлайдиган флагманлар рейтингида жиддий ўзгариш юз берди — етакчи алмашди.

Қолаверса, етакчи ўнталикда биттаям MediaTek Dimensity 9200+ процессорли телефон қолмади — бу жойни фақат Qualcomm Snapdragon 8 Gen 2 процессорлари ўрнатилган смартфонлар банд этди.

23 август куни Хитойда сотувга чиқарилган ва шу заҳотиёқ қўлма-қўл бўлиб кетган OnePlus Ace 2 Pro биринчи ўринни эгаллаб, августнинг энг кучли андроид-флагмани мақомига эришди.

Иккинчи — Vivo iQOO 11S, учинчи — RedMagic 8S Pro+ (бу смартфонга кучайтирилган SoC Qualcomm Snapdragon 8 Gen2 ўрнатилган).

Кейинги ўринларда: iQOO 11 Pro, Vivo X90 Pro+, OnePlus 11, Realme GT5, iQOO 11, Vivo X Fold2 ва Oppo Find X6 Pro.

Статистика маълумотлари 1 августдан 31 августгача йиғилган. AnTuTu рейтингида энг юқори эмас, балки ўртача баллар ҳисобга олинган. Ҳар бир смартфон учун камида 1000 тадан тест натижалари ҳисобланди — бундан кам сонли тест ўтказилган смартфонлар рейтингга киритилмади.