Яқинлашиб келаётган янги йил арафасида Google компанияси фойдаланувчилар учун ноёб совға тайёрлади.

Нафақат Аndroid смартфонлари, балки WeаrОS операцион тизимида ишлайдиган ақлли соатлар, шунингдек, Google ТV асосида ишлайдиган телевизорлар ҳам бир қатор фойдали қўшимча функцияларга эга бўлди.

Жумладан, эндиликда телефон қўнғироқлари пайтида матнли хабарларни овозли тарзда юбориш функцияси ҳам бўлди.

Samsungнинг илгари тақдим этган Bibxy матнли қўнғироғига ўхшаб, у овозли қўнғироқ пайтида ёзилган матнни овоз чиқариб ўқийди. Айтиб ўтиш жоизки, ушбу функция нутқида нуқсони бўлган фойдаланувчилар учун жуда фойдали.

Google ТВ ҳам энди янги бепул каналлардан фойдаланиш имкониятига эга бўлиб, уларнинг умумий сонини юзлаб кишига етказди.

Қувонарлиси, улар орасида қишки таътил арафасида янги йил филмлари эфирга узатиладиган махсус канал ҳам бор.

Бундан ташқари, компания WeаrОSдаги ақлли соатларга ақлли уй қурилмаларини бошқариш учун илғор функцияларни ҳам қўшди.

Энди уларнинг ёрдами билан сиз робот чангютгичларнинг баъзи моделларини ишга туширишингиз, шунингдек, уйдаги ёруғликни бошқаришингиз, ранглар палитрасини созлашингиз мумкин.

Ва ниҳоят, Weаr ОS тизимида Pixel смартфон фойдаланувчиларига жуда таниш бўлган янги овозли ёрдамчи виджети мавжуд бўлди. Бу сизни об-ҳаво, сўнгги янгиликлар ва бошқа кўплаб нарсалар ҳақида огоҳлантиради.

Яхшиланган ТаlkBack функцияси эса кўриш қобилияти паст фойдаланувчилар учун айни муддао.