YandexGPT жавоблар сифати бўйича ChatGPTдан ўзиб кетди
63 фоиз ҳолларда Россиянинг YandexGPT 2 нейротармоғи Америка OpenAIнинг GPT 3.5 тил моделига нисбатан рус тилида жавоб беришда самаралироқ бўлиб чиқди. Бу иккала нейротармоқ ҳам бир хил сўровларга жавоб берган синовлар натижасида маълум бўлди. Сунъий интеллект бўйича тренерлар қайси хизматни тақдим этишини билмаган ҳолда энг яхши жавобни танладилар.
Тест саволлари Yandex маҳсулотларидаги YandexGPT 2 нейрон тармоғига ҳақиқий фойдаланувчи сўровлари асосида яратилган. Мутахассислар энг яхши жавобни танлашда одамларнинг ҳақиқий эҳтиёжларини акс эттирувчи турли мавзуларни ҳисобга олдилар.
Yandexнинг қидирув хизмати техник директори Алексей Гусаковнинг таъкидлашича, нейротармоқларни таққослаш фақат бенчмаркда мавҳум рақамли кўрсаткичларни олиш учун эмас, балки маҳсулотнинг функционаллигини яхшилаш ва янги хусусиятларни ишлаб чиқишга қаратилган. Ишлаб чиқилаётган YandexGPT аллақачон Алиcа овозли ёрдамчисида жорий қилинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter