Хитойнинг Alibaba Group компанияси Open AI’нинг жуда машҳур ChatGPT AI ботига ўхшаш сунъий интеллект тизимини ишлаб чиққанини айтди. Alibaba’нинг ривожланиши ҳозирда ички синов босқичида.

Ҳисоботда айтилишича, келажакда Alibaba ўзининг AI ботини Zoom’га ўхшаш хусусий DingTalk алоқа иловасига қўшиши мумкин. Компаниянинг расмий вакиллари ҳозирча бу масала бўйича изоҳ беришдан ўзларини тийишган.

«Катта тил моделлари ва генератив AI каби илғор инновациялар 2017 йилда DAMO [Alibaba тадқиқот институти] ташкил этилганидан бери эътиборимиз марказида бўлди. Технология етакчиси сифатида биз мижозларимиз, шунингдек, булутли хизматлар орқали уларнинг мижозлари манфаати учун илғор технологияларни иловаларга интеграциялашга сармоя киритишда давом этамиз», — деди Alibaba вакили.

Эслатиб ўтамиз, сўнгги бир неча ҳафта ичида ChatGPT илғор чат-боти бутун дунёда катта шуҳрат қозонди. У Microsoft томонидан бир неча йиллардан бери қўллаб-қувватланадиган Open AI томонидан яратилган. 2019 йилда дастурий таъминот гиганти ишлаб чиқувчига 1 миллиард доллар сармоя киритди ва бир неча йил ичида яна миллиардлаб сармоя киритиш ниятини эълон қилди. Бундан ташқари, Microsoft аллақачон Open AI алгоритмларини Bing қидирув тизими ва Edge браузери каби маҳсулотларига интеграциялашни бошлаган. Google ўзининг ChatGPT аналогини ҳам тақдим этди.