Google компанияси сунъий интеллектга асосланган Lumiere — “видеони жонли генерациялаш учун вақт-макон диффузияси модели”ни тақдим этди.

Эҳтимол, бу бугунги кундаги матнли тавсиф асосида жонли тасвир яратувчи энг кучли видео СИ-генератори бўлиши мумкин.

Турдош воситалардан муҳим фарқи, Google Lumiere модели ўзига хос архитектурага эга — видеонинг бутун давомийлиги битта генерацияда бажарилади.

Қолган моделлар эса бошқачароқ ишлайди: бир нечта асосий кадрлар генерацияланади, сўнгра вақт бўйича интерполяция қўлланилади, бу эса генерацияланаётган роликда номутаносибликларни келтириб чиқаради.

Lumiere бир нечта режимда ишлай олади:

• матнни видеога айлантиради;
• оддий фотоларни жонлантиради (ҳаракатлантиради);
• намуна асосида берилган топшириққа кўра видеороликлар ясайди;
• ёзма тавсиялар берилса видеони таҳирлайди;
• фотосуратнинг маълум қисмларини анимациялайди;
• видеони қисмлари бўйича таҳрирлайди — мисол учун, кишининг кийим-бошига ўзгартириш киритиши мумкин.

Тан олиш керак, бунақаси бўлмаган!