Google компанияси ўзининг RawNeRF нейрон тармоғи ишини намойиш этди, у кам ёруғлик шароитида олинган фотосуратлардаги «шовқинни» йўқ қилишга қодир. Нейрон тармоқ RAW тасвирлар билан ишлайди ва Google томонидан тақдим этилган расмларда кўриб турганингиздек, у «шовқинни» жуда яхши олиб ташлайди, бу эса фотосуратни янада аниқроқ қилади. Мисол учун, дастлаб тўлиқ ўқиб бўлмайдиган лавҳадаги матн ҳам ўқиладиган бўлиб қолганини кўриш мумкин.

RawNeRF яратувчилари таъкидлашича, у бошқа шунга ўхшаш нейрон тармоқларга қараганда бутун саҳнанинг ранглари ва тафсилотларини аниқроқ тиклаши мумкин. Бундан ташқари, RawNeRF саҳнани турли бурчаклардан кўриш, тасвирнинг экспозицияси, ранг диапазони ва фокусини ўзгартириш учун камера ўрнини алмаштириши мумкин. Тўғри, нейрон тармоқнинг барча манипуляциялари учун дастлаб турли бурчаклардан олинган RAW форматидаги бир нечта фотосуратлар керак бўлади. RawNeRF ишлаб чиқилаётган бўлса-да, у қачон тижорат мақсадларида ишлатилиши аниқ эмас.