Стенфорд университети тадқиқотчилари миянинг шикастланган қисмини тиклайдиган ва одамларга бош мия жароҳатидан кейин ўқиш, ёзиш, эслаш ва бошқа когнитив функцияларни бажаришни қайта ўрганишга ёрдам берадиган мия имплантациясини яратдилар.

Синов натижаларига кўра, у ҳақиқатан ҳам фойда беради ва ҳаттоки тадқиқот иштирокчиларидан иккитаси ушбу тажрибани тўхтатишдан бош тортдилар.

Имплант мия травматик жароҳат олган беш кишида синовдан ўтказилди, уларнинг барчасида когнитив муаммолар ҳам бор эди.

Миядаги нейронларнинг ҳар бир соҳаси учун жавобгар бўлган имплант шикастланган ҳудудларни электр сигналлари билан рағбатлантиради ва уларнинг фаолроқ ишлашига имкон беради.

Айнан қайси ҳудудни рағбатлантириш кераклигини билиш учун тажрибадан олдин ҳар бир иштирокчи текширилди ва қурилманинг индивидуал версиясини олди.

90 кунлик даволанишдан сўнг, кунига 12 соат давомида имплантдан фойдаланган иштирокчиларнинг фикрлаш тезлиги ўртача 32 фоизга яхшиланди.

Бу муолажанинг муваффақияти шунчалик ишончли эдики, олимлар ҳаттоки даволашнинг якуний босқичида бир қанча қийинчиликларга ҳам дуч келишди.

Тажриба давомида учта иштирокчи ўз имплантларини ўчириб қўйиши керак эди. Аммо иккита бемор бу экспериментдан яхшигина фойда кўраётганини айтиб, уни ўчириб қўйишдан бош тортди.