Aфтидан, Apple’нинг аралаш реаллик гарнитураси деярли тайёр ҳолга келган.

Манбанинг таъкидлашича, ўтган ҳафта Apple биринчи марта бу қурилмани директорлар кенгашига намойиш қилган.

Дастлаб, Apple компанияси WWDC 2022 кўргазмасида эълон қилишни режалаштирган эди, бироқ техник муаммолар, жумладан, қурилманинг ҳаддан ташқари қизиб кетиши компания режаларини ўзгартиришга мажбур қилдган эди. Шу билан бирга, Apple яқинда RealityOS операцион тизимини ишлаб чиқишни тезлаштирди, унинг асосида гарнитура ишлайди.  

Энди Apple қурилмани iPhone 14 билан бирга кузда ёки 2023 йилнинг бошида тақдим этиши кутилмоқда. Компаниянинг ақлли соатлари 2014 йилда тақдим этилгани ва AirPods 2016 йилда намойиш этилганини инобатга олсак, бу Apple компаниясининг анча йиллардан кейинги биринчи янги маҳсулоти бўлади.

Интернетда қурилма ҳақида унчалик кўп маълумотлар йўқ ва ҳатто улар баъзан жуда фарқ қилади. Мисол учун, қурилма имо-ишораларни кузатиш учун зарур бўлган 15 та камера, micro-OLED экранга эга, ва 2000 доллардан ортиқ нархда тақлим этилиши кутилмоқда.