Google Android 14’га смартфондан веб-камера сифатида фойдаланиш имконини берувчи функция қўшишни режалаштирмоқда. Мобил операцион тизим кодида тегишли номга эга файл топилди.

Android кодида улар DeviceAsWebcam номли файлни топдилар, бу, журналистларнинг фикрича, смартфондан веб-камера сифатида фойдаланиш имконини беради. Шу билан бирга, Google смартфонингиздан кенг турдаги қурилмалар билан фойдаланиш имконини берувчи USB video device class технологиясидан фойдаланади.

Шунга ўхшаш функция ўтган йили iOS 16 да пайдо бўлган эди. Фойдаланувчилар iPhone’дан веб-камера сифатида фойдаланиш имкониятига эга, смартфонни фақат macOS операцион тизими билан ишлайдиган компьютерларга улаш мумкин.

Энди Android’да смартфонни USB ва Wi-Fi’дан фойдаланган ҳолда веб-камера сифатида компьютерга улаш мумкин, аммо бунинг учун учинчи томон дастурларидан фойдаланишингиз керак. Google ушбу хусусиятни операцион тизимнинг бир қисми сифатида киритиш орқали ушбу жараённи осонлаштиришни мақсад қилган.