Техника олами мўъжизалар кўрсатишда давом этади. Яна қандай мўъжиза дейсизми? Ҳеч замонда ўзи чой дамлайдиган чойнак ҳақида эшитганмисиз? Сиз ишдан қайтгунингизча хизматингизга мунтазирман, бекам, капучиноми ёки аччиқ қорасидан бўлсинми, дея қўлини кўксига қўйиб кутиб оладиган қаҳва машинасини-чи?

Бунақаси фақат Аловиддин ҳақидаги минг бир кеча эртакларида бўлади деяпсизми? Йўқ, энди сизга ҳеч қандай сеҳрли чироқ ҳам, атиги 3 тагина истагингизни бажо келтирувчи жинлар ҳам керак эмас! Биз эътиборингизга ҳавола этаётган гаджетлар беминнат хизматингизни бажариши учун ҳеч қандай чироқни ишқалашга ҳожат йўқ. Шунчаки қаерда бўлишингиздан қатъи назар, смартфонингиз орқали чойнакка чой дамлашни буюрсангиз кифоя!

Чой, чой, чой намунча кўп чой ичишади булар, деб асабингизни бузиб ҳам ўтирмайсиз. Унинг ўзи сизнинг ўрнингизга совчиларни иззат-икром билан кутиб олаверади. (Совчилар диққатига: тағин ҳамма нарсани техника бажарса, келин нимага керак, деган бирорта психологнинг гапига қулоқ солиб юрманг-а...?)