Canva’нинг веб-га асосланган тасвир муҳаррири энди матн тавсифларидан тасвирлар яратиш имкониятига эга. Функция Stable Diffusion устига қурилган ва чекланган режимда бепул фойдаланса бўлади.

Canva’да матн тавсифидан тасвирлар яратиш имконини берувчи Text to Image воситаси мавжуд. Яратиш учун сўровни белгилашингиз ва якуний тасвир услуби вариантларидан бирини танлашингиз керак. Энди мавжуд услублар орасида фотосурат, чизма, расм, 3D моделлар, нақш ва замонавий санъат элементлари билан концептуал ечимлар мавжуд. Шундан сўнг, хизмат дизайнда ишлатилиши мумкин бўлган 4 та расмни яратади.

Қайд этилишича, Canva’да тасвирларни яратиш воситаси Stable Diffusion модели асосида қурилган. Генерация жараёнининг ўзи булутда содир бўлади ва кўп вақт талаб қилмайди. 4 та расм яратиш учун 10-15 сония вақт кетади. Canva шунингдек, матн тавсифларини таҳлил қилувчи ўрнатилган сўровлар фильтрига эга. Aгар тизим сўровни хавфли деб ҳисобласа, у фойдаланувчидан уни қайта ёзишни сўрайди. 

Text to Image воситаси кунига 100 та расм чеклови билан Canva’нинг бепул версияси фойдаланувчилари учун мавжуд. Чексиз версия Canva Pro обуначилари учун мавжуд.

2022 йил октабрь ойи ўрталарида Microsoft  Designer муҳарририга ўрнатилган DALL-E ёрдамини тақдим этди. Фойдаланувчилар сунъий интеллект ёрдамида визуал контент яратишлари ҳам мумкин.