Рўза тутган киши хавотир, стресс, тушкун кайфият каби салбий ҳолатлардан қутулиши мумкин экан. Бунга асосли далиллар бор.

Гап шундаки, муайян овқат ва ичимликлардан тийилиш натижасида организмда стресс гормони — кортизолни ишлаб чиқариш пасаяди. Умуман олганда, рўза ва парҳез организмни бўшаштириб, асаб (нерв)ларни тинчлантиради.

Рўза тутганларнинг организмида дофамин ишлаб чиқарилиши фаоллашади. Бу мияга кислород билан тўйинган қон оқими кучайиши билан боғлиқ. Қолаверса, рўза тутиб, депрессия симптомларини бошқариш мумкин. Очлик хавотир, тажанглик, ғазаб ҳиссини камайтирувчи ва аксинча, бахти ҳиссини кучайтирувчи моддалар — эндорфинларнинг ишлаб чиқарилишига олиб келади.

Булар бевосита рўза тутиш давридаги ижобий ҳолатлар эди. Хўш, рўза тутиш истиқболда нималарга сабаб бўлиши мумкин?

Маълум бўлишича, овқатдан вақтинча тийилиб юриш кейинчалик инсонни диққатни бир жойга жамлай олишга ўргатади, хотирасини кучайтиради, организмда янги ҳужайраларнинг шаклланишига замин яратади.