Фарғона вилоятининг Қувасой шаҳрида яшовчи 35 ёшли Х.Т. чет элга ишлашга кетаман деб алданиб қолди. Бу ҳақда у ички ишларга арзида баён қилди.

Айтилишича, Telegram мессенжери орқали у билан боғланган номаълум шахс Швецияга ишлашга жўнатишни ваъда бериб, алдов йўли билан унинг банк картасидаги 1 160 000 сўм пулни қўлга киритган.

Ўтказилган тезкор-қидирув тадбирлари натижасида ушбу жиноятни Тошкент шаҳрининг Яшнобод туманида яшовчи 25 ёшли С.М. содир этганлиги аниқланди, дейилади хабарда.

Маълум бўлишича, С.М. Telegram мессенжерида “Chet elda ISH” номли гуруҳ очиб, у ерда дунёнинг турли мамлакатларига ишга юборишни ваъда қилиб, тузоғига тушган фуқароларнинг банк карталаридаги пулларни фирибгарлик йўли билан ўзлаштириб келган.

С.М. Жиноят кодексининг 168-моддаси 3-қисми “в” банди билан жиноий жавобгарликка тортилган.

Қонунга мувофиқ, С.М. томонидан содир этилган жиноий ҳаракатлар  учун 5 йилдан 8 йилгача озодликдан маҳрум қилиш жазоси назарда тутилган.