Эронлик фирибгарлар iPhone харидорларини машҳурлар ёрдамида чув туширишди
Маълумки, худди санкцияга тушган Россия каби, Эронга ҳам Apple қурилмалари расман етказилмайди. Аммо бу эронликлар айфонсиз қолишяпти дегани эмас: учинчи мамлакатлар орқали айланма йўллар очиб олишган, табиийки, нархларда логистика учун қўйилган устама аксини топяпти. Бир минтақа доирасида у тахминан бир хил: тегишли равишда бозор нархи шундай шаклланмоқда.
Аммо Эрондаги Kourosh фирмаси ҳаммадан чаққон чиқиб қолди: катта реклама акциясини бошлаб, ўз харидорларига iPhone 15 ни икки баравар арзонга келтириб беришни ваъда берди. Эмишки, ўртадаги ҳамма ортиқча воситачиларни олиб ташлаб, смартфонларни тўппа-тўғри Хитойдаги омборлардан келтириб берармиш.
Шубҳалими? Бўлгандаям учига чиққан фирибгарлик! Ҳеч ким ярим нархига айфонли бўлмади — ғирт фирибгарларга йўлиқишибди.
Фирибгарлик шунчалик қанот ёйганки, буни рақамлар ҳам айтиб турибди: арзон айфонга орзумандлардан олдиндан нақ 35 млн доллар йиғиб олишган, минглаб одамлар тузоққа тушган. Гап шундаки, кўпчилик машҳурларга ишонган: Kourosh маҳаллий блогерлар, спортчилар, шоу-бизнес вакилларидан рекламада фойдаланган. Фирибгарлик фош бўлганидан сўнг, тушунарли сабабларга кўра, ўша машҳурлар ўзлари ҳам алдов қурбони бўлишганига ишонтиришга уринишмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter