Хитойда OnePlus 12 флагман смартфонининг расмий тақдимоти бўлиб ўтди.

OnePlus 12 смартфонида 6,82 дюймли қавариқ AMOLED LTPO дисплей (3168 × 1440 пиксел) ўрнатилган. Экран мослашувчан янгиланиш частотаси (BOE тизими)га эга бўлиб, 120 Гц.гачани ташкил этади.

Дисплей механик шикастланишлардан  Gorilla Glass Victus 2 шишаси ёрдамида ҳимояланган. Смартфон корпусининг орт қисми ҳам шу шиша билан қопланган, смартфон роми алюминийдан ишланган. Экран тепа қисмидаги тирқишда 32 Мп селфи-камера (f/2.4) жойлашган. У билан 4K форматли видеони 30 кадр/сонияда олса бўлади.

Асосий камера 50 МП сенсор (Sony Lytia-808 (f/1.6)дан иборат. Камералар мажмуаси телеобъектив (f/2.6) ва йирик форматли 64 Мп матрица (OmniVision OV64B) билан тўлдирилган бўлиб, перископик линзалар тизими остида жойлашган, 3 карра оптик зумни қўллайди. Учинчи камера ҳам бор — бу кенг бурчакли модул (f/2.2) бўлиб, 48 Мп Sony IMX581. Смартфон сониясига 24 кадр тезликда 8K форматли видео олиш имконини беради, асосий камерада 4K видеони сониясига 60 кадргача ёки 1080p видеони сониясига 240 кадргача тезликда олиш мумкин. Auto HDR, gyro-EIS ва Dolby Vision технологиялари татбиқ этилган.

OnePlus 12 флагманининг аппарат асосини энг илғор — 8 ядроли Qualcomm Snapdragon 8 Gen 3 процессори ташкил этади.

Смартфон 12, 16 ва 24 Гб оператив хотира, 256, 512 Гб ва 1 Тб ички хотира вариантларида тақдим этилади.

Флагман 5400 мАс сиғимли аккумулятордан куч олади. Қувватлаш тезлиги симлисида — 100 Вт, симсизида — 50 Вт гача, тескари симсиз қувватлаш эса 10 Вт гачани ташкил этади.

Симли боғланиш учун USB Type-C интерфейс, симсиз уланиш учун Wi-Fi 7 ва Bluetooth 5.4 модуллари кўзда тутилган.

Смартфон Android 14 платформасида (Хитой бозорида ColorOS 14.0 фойдаланувчи интерфейси билан), халқаро бозорда (2024 йилдан сотуви бошланади) OxygenOS 14 интерфейси билан ишлайди.

Хитойдаги нархи:

• 12/256 Гб — $607;
• 16/512 Гб — $677;
• 16 Гб/1 Тб — $748;
• 24 Гб/1 Тб — $818.