Рақамли технологиялар вазирлиги делегацияси Корея Республикасида Электроника ва телекоммуникация илмий-тадқиқот институти (ETRI) президенти Сеунг Чан Банг билан учрашув ўтказди.

Учрашув давомида ETRI билан ҳамкорликда келгусида тизимдаги IT-университетлар ҳузурида қўшма R&D марказ ташкил этиш ва кореялик консултант-экспертларни жалб қилиш, ETRIнинг ҳудудий офисини ташкил этиш ҳамда сунъий интеллект соҳасида қўшма тадқиқот лойиҳаларни амалга ошириш масалалари муҳокама қилинди.

Вазирлик делегациясига ETRI томонидан ишлаб чиқилган “Сунъий интеллект технологияларининг автоном транспорт воситаларида қўлланилиши” лойиҳаси таништирилди.

Шу билан бирга, ETRIнинг лабораторияларига ташриф уюштирилиб, янги лойиҳалар тақдимоти билан танишилди.

Маълумот учун: ETRI тадқиқот институти IT соҳасида мамлакатнинг етакчи тадқиқот институти ҳисобланади.

Ушбу университет IT, электроника, сунъий интеллект ва рақамли конвергенция технологиялари соҳасида тадқиқотлар ўтказиш ва тадқиқот натижаларини саноатга кенг жорий қилиш орқали Корея Республикасининг иқтисодий ва ижтимоий ривожланишига ҳисса қўшиб келмоқда.