Информатика ўқитувчилари учун бепул курсларни Рақамли технологиялар вазирлиги, Абдулла Авлоний номидаги педагогларнинг профессионал ривожланиши ва янги методикалар таълими миллий илмий-тадқиқот институти ҳамда Yandex Uzbekistan ҳамкорликда ишга туширди.

Курслар доирасида ўқитувчилар:

• Нейрон тармоқлар ва уларнинг қўлланилиши ҳақида маълумот оладилар.
• Python дастурлаш асосларини, жумладан, асосий конструкциялар ва объектга йўналтирилган дастурлаш тамойилларини ўрганадилар.
• Курслар назарий ва амалий дарсларни ўз ичига олади, бу эса Python дастурлаш тилини аввалдан билмаган ҳолда ҳам материални ўзлаштириш ва уни иш фаолиятида дарҳол қўллаш имконини беради. 
• Барча материаллар иштирокчиларда доимий равишда сақланиб қолади.

Курсларнинг асосий жиҳатлари:

• Python бўйича олтита бўлим; ишда энг муҳим мавзулар ва вазифаларни танлаш имконияти.
• Ўқитувчиларга қулай вақтда ўқиш имконини берувчи онлайн-формат.
• Ўқувчилар учун Python дастурлаш бўйича қўшимча материаллар ва автоматик текширувга эга тайёр вазифаларга кириш имконияти.

Рўйхатдан ўтиш учун ҳавола орқали қисқа анкетани тўлдириш керак: https://bit.ly/3QOpGPW