Informatika o‘qituvchilari uchun bepul kurslarni Raqamli texnologiyalar vazirligi, Abdulla Avloniy nomidagi pedagoglarning professional rivojlanishi va yangi metodikalar ta’limi milliy ilmiy-tadqiqot instituti hamda Yandex Uzbekistan hamkorlikda ishga tushirdi.

Kurslar doirasida o‘qituvchilar:

• Neyron tarmoqlar va ularning qo‘llanilishi haqida ma’lumot oladilar.
• Python dasturlash asoslarini, jumladan, asosiy konstruksiyalar va ob’yektga yo‘naltirilgan dasturlash tamoyillarini o‘rganadilar.
• Kurslar nazariy va amaliy darslarni o‘z ichiga oladi, bu esa Python dasturlash tilini avvaldan bilmagan holda ham materialni o‘zlashtirish va uni ish faoliyatida darhol qo‘llash imkonini beradi. 
• Barcha materiallar ishtirokchilarda doimiy ravishda saqlanib qoladi.

Kurslarning asosiy jihatlari:

• Python bo‘yicha oltita bo‘lim; ishda eng muhim mavzular va vazifalarni tanlash imkoniyati.
• O‘qituvchilarga qulay vaqtda o‘qish imkonini beruvchi onlayn-format.
• O‘quvchilar uchun Python dasturlash bo‘yicha qo‘shimcha materiallar va avtomatik tekshiruvga ega tayyor vazifalarga kirish imkoniyati.

Ro‘yxatdan o‘tish uchun havola orqali qisqa anketani to‘ldirish kerak: https://bit.ly/3QOpGPW