“Collabrium” коворкинг маркази фаолияти ўрганилди
Навоий шаҳрида жорий йилнинг апрель ойида ишга туширилган “Collabrium” коворкинг маркази ёшлар учун янги технологиялар ва стартапларни қўллаб-қувватлашга йўналтирилган.
Рақамли технологиялар вазири Шерзод Шерматов марказга ташриф буюриб, янги лойиҳалар ва шароитлар билан танишди.
Шунингдек, IT park резиденти бўлган "IT DATAWARE" МЧЖ томонидан жорий йилда ишлаб чиқилган дастурий маҳсулотлар ва экспорт ҳажми билан ҳам танишилди.
Компания томонидан йилнинг 9 ойи мобайнида 17 миллиард сўмлик маҳаллий хизматлар кўрсатилиб, 1,7 миллион АҚШ долларилик маҳсулотлар экспорт қилинди. Компаниянинг асосий ҳамкорлари АҚШ, Буюк Британия, Жанубий Корея ва Канададан.
Шерзод Шерматов “IT DATAWARE”нинг 2024-2026 йилларда амалга ошириладиган стратегик лойиҳалари билан танишиб, ўз фикр-мулоҳазаларини билдирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter