SERVIONIX LLC kompaniyasi vakillari Toshkentga tashrif doirasida UNICON.UZ Fan-texnika va marketing tadqiqotlari markazida bo‘lib o‘tgan uchrashuvda ishtirok etdilar.

Tadbir davomida axborot texnologiyalari sohasidagi hamkorlikni kengaytirish istiqbollari samarali muhokama qilindi.

Uchrashuvda tomonlar hamkorlikning quyidagi asosiy yo‘nalishlarini ko‘rib chiqdilar:

• Axborot xavfsizligi bo‘yicha konsalting va audit xizmatlari;
• Korporativ mijozlar uchun internetdan xavfsiz foydalana olishni ta’minlash;
• AT infratuzilmasini har tomonlama himoya qilish;
• SOC yaratish va axborot xavfsizligini autsorsing qilish;
• DDos-hujumlardan himoya qilish yechimlari;
• Firibgarlikka qarshi kurashish (Antifraud).

Ma’lumot uchun, Avstriyaning SERVIONIX LLC kompaniyasi axborot tizimlarini himoya qilish sohasida xalqaro ekspert hisoblanadi.

U AQSh, Isroil, Yevropa va MDH davlatlaridagi davlat muassasalari, muhim infratuzilma ob’yektlari, yirik korxonalar va texnologik tashkilotlar bilan hamkorlik qiladi.

IT texnologiyalar sohasidagi ikki yetakchi kompaniyaning uchrashuvi o‘zaro manfaatli hamkorlikni rivojlantirishdagi imkonini beradi.