SERVIONIX LLC компанияси вакиллари Тошкентга ташриф доирасида UNICON.UZ Фан-техника ва маркетинг тадқиқотлари марказида бўлиб ўтган учрашувда иштирок этдилар.

Тадбир давомида ахборот технологиялари соҳасидаги ҳамкорликни кенгайтириш истиқболлари самарали муҳокама қилинди.

Учрашувда томонлар ҳамкорликнинг қуйидаги асосий йўналишларини кўриб чиқдилар:

• Ахборот хавфсизлиги бўйича консалтинг ва аудит хизматлари;
• Корпоратив мижозлар учун интернетдан хавфсиз фойдалана олишни таъминлаш;
• АТ инфратузилмасини ҳар томонлама ҳимоя қилиш;
• SOC яратиш ва ахборот хавфсизлигини аутсорсинг қилиш;
• DDos-ҳужумлардан ҳимоя қилиш ечимлари;
• Фирибгарликка қарши курашиш (Antifraud).

Маълумот учун, Австриянинг SERVIONIX LLC компанияси ахборот тизимларини ҳимоя қилиш соҳасида халқаро эксперт ҳисобланади.

У АҚШ, Исроил, Европа ва МДҲ давлатларидаги давлат муассасалари, муҳим инфратузилма объектлари, йирик корхоналар ва технологик ташкилотлар билан ҳамкорлик қилади.

IТ технологиялар соҳасидаги икки етакчи компаниянинг учрашуви ўзаро манфаатли ҳамкорликни ривожлантиришдаги имконини беради.