NASAning Kaliforniya texnologiya instituti qoshidagi reaktiv harakat laboratoriyasi olimlari Yerga nisbatan Oy yuzasida vaqt o‘tishini o‘lchaydigan tadqiqot o‘tkazdi. arXiv  preprint serverida chop etilgan va Lenta.ru tomonidan o‘rganilgan tadqiqot natijalari ikki samoviy jism o‘rtasidagi tortishish tebranishlari tufayli sezilarli farqlar borligini ko‘rsatadi.

Eynshteynning nisbiylik nazariyasiga ko‘ra, vaqt massa bilan bog‘liq bo‘lgan tortishish kuchiga qarab tezroq yoki sekinroq harakat qiladi. Oyning tortishish kuchi pastligi sababli, unda vaqt Yerdagiga qaraganda bir oz tezroq o‘tadi. Tadqiqotchilarning hisob-kitoblariga ko‘ra, vaqt Yerdagiga qaraganda Oyda kuniga taxminan 0,0000575 soniya (kuniga 57,50 mikrosekund) tezroq harakat qiladi. Agar inson Oyda 274 yil yashagan bo‘lsa, u Yerda yashaganidan 5,76 soniya katta bo‘lar edi.

Ushbu tadqiqotning natijalari kelajakdagi oy missiyalari uchun juda katta ta’sirga ega, ayniqsa turli tashkilotlar Oyda keng qamrovli tadqiqotlar va iqtisodiy faoliyatni rejalashtirmoqda.