Samsung Galaxy Watch6 aqlli soatidan ham aqlliroq bo‘ladigan aqlli Galaxy Ring yaratish ustida ishlayotgani haqida bir necha bor xabar berilgan. Xitoyning IThome nashri e’lon qilgan so‘nggi ma’lumotlarga ko‘ra, Samsung Galaxy Ring aqlli uzugini yaratish bo‘yicha ishlar yakunlanish arafasida. Tez orada ommaviy ishlab chiqarish boshlanadi, gadjet esa kelasi yilning boshida sotuvga chiqariladi.

Nashrning yozishicha, Samsung kompaniyasi Yaponiyaning Meiko Electronics kompaniyasi bilan aqlli uzukni birgalikda targ‘ib qilish bo‘yicha hamkorlik shartnomasi tuzgan. Meiko Electronics kompaniyasi Galaxy Ring aqlli uzuk uchun bosilgan elektron platani (PCB) ishlab chiqarishga mas’uldir.

Samsung hozirda AQSh va Yevropada quyidagilar uchun tovar belgisiga ariza topshirgan:

• Samsung Curio
• Samsung One
• Samsung Rhythm
• Samsung Pulse
• Samsung Circle
• Galaxy Insight
• Galaxy Index
• Galaxy Circle

Vanihoyat, yangi mahsulot taqdimoti yanvar oyida Galaxy S24 liniyasi bilan birga bo‘lib o‘tishi xabar qilingan.