Meizu kompaniyasi uzoq kutilgan flagmanini taqdim etdi — Meizu 21
Meizu kompaniyasi nihoyat uzoq kutilgan flagmani — Meizu 21 ni taqdim etdi.
Meizu 21 smartfonida dizayn sohasidagi an’ana davom ettirilib, ekran atrofidagi romlar o‘ta ingichkalashtirilgani birinchi navbatda ko‘zga tashlanadi.
Flagmanga Samsung tomonidan ishlab chiqarilgan 6,55 dyuymli OLED-displey o‘rnatilgan, uning yangilanish sur’ati 120 Gs bo‘lib, 1800 nitgacha yorqinlikni ta’minlaydi.
Flagman kamerasi — alohida mavzu: bosh sensori 200 Mp (buni ham Samsung chiqargan), kompaniya kameraning tez ishlashi va unda olingan suratlar ajoyib sifatga ega bo‘lishini vada bermoqda.
Qolaversa, asosiy kamera 12 Mp ultrakengburchakli ob’yektiv va 5 Mp chuqurlik datchigi bilan ham boyitilgan, bu esa Meizu 21 ni mobil fotografiyaga qiziquvchilar uchun ideal tanlovga aylantiradi.
Smartfon, eng so‘nggi rusumdagi kuchli protsessor — Snapdragon 8 Gen 3 o‘rnatilgani bois, yuqori tezlik va samaradorlik ko‘rsata oladi.
Akkumulyatori — 4800 mAs, 80 Vt tezkor quvvatlagichga ega, to‘liq quvvat olishga atigi 40 daqiqa sarflaydi.
Meizu 21 smartfoni 5 dekabrdan Xitoyda qora, binafsharang, yashil va oq ranglarda sotuvga chiqadi.
Narxi:
- 8/256 Gb — 3399 yuan ($480 atrofida);
- 12/512 Gb — 3999 yuan ($565 atrofida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter