Xitoyda  AI Cockpit Innovation Experience  ko‘rgazmasida Alchemist arxitekturasiga asoslangan yangi grafik karta taqdim etildi.

ARC A760A sun’iy intellekt tajribasini yaxshilash va yuqori sifatli foydalanuvchi tajribasini taklif qilish uchun mo‘ljallangan. Eng qiziq narsa shundaki, u birinchi navbatda avtomobillar uchun yaratilgan.

U 28 ta Xe yadrosi, 28 ta nurni kuzatish blokiga ega va 448 tagacha XMX/Vector Units birliklarini qo‘llab-quvvatlaydi. Operativ xotira 256 bitli shina bilan 16 GB, interfeysi esa PCIe 4.0 x16.

Asosiy kuchaytirish chastotasi taxminan 1953 MGsni tashkil qiladi, bu Arc A750 (2,05 GGs) dan biroz pastroqdir. SI vazifalari uchun grafik karta 229 TOPSgacha ishlashni ta’minlaydi.

Intelning ta’kidlashicha, A760A unga AAA-o‘yinlari va SI ilovalarini bir vaqtning o‘zida ishlatish imkonini beradi. U oltitagacha kamera kiritishini qo‘llab-quvvatlaydi va 3D renderlash bilan foydalanuvchi tajribasini yaxshilaydi.

Bundan tashqari, grafik karta HEVC, VP9 va AV1 kabi bir nechta formatlarda videoni dekodlash va kodlash imkoniyatiga ega.

Grafik karta maksimal yuklanishda 225 vattgacha quvvat sarflaydi va to‘rttagacha displeyga ulanishi mumkin.

A760A 2025-yilning birinchi choragida bozorga chiqishi rejalashtirilgan.