Google AI xaritalash loyihasining yaratishda tadqiqotchilar ikki xil ta’m va aroma ma’lumotlar to‘plamidan 5000 dan ortiq molekulalardan foydalanganlar. Tadqiqot natijalari bioRxiv.org preprint kutubxonasida chop etilgan.

Google AI molekulalarning tuzilishi ularning hidiga mos keladigan sun’iy intellekt modelini ishlab chiqdi. Bu ma’lum oziq-ovqat mazasini ishlab chiqishda yoki kasallik qo‘zg‘atuvchi organizmlarni qaytaruvchi birikmalarni topishda yordam berishi haqida xabar berilgan.

Google AI press-reliziga ko‘ra, ushbu xaritalarning eng mashhur namunalari rangni ko‘rish, jumladan rang aylanasi va videoda rangni fiksatsiya qilish uchun ishlatiladigan murakkabroq variantlar bilan bog‘liq. Inson ko‘zining uchta rang sensori (qizil, yashil va ko‘k) dan farqli o‘laroq, 300 dan ortiq hidlash retseptorlari mavjud. Shuning uchun hid xaritasini yaratish juda qiyin.

2019 yilda Google sun’iy intellekti Graph Neural Network (GNN) modelini ishlab chiqqan edi. Eslatib o‘tamiz, bu to‘g‘ridan-to‘g‘ri grafik tuzilishi bilan ishlaydigan neyron tarmoq turi.

Endi Google AI tarmog‘i «go‘sht», «gul» yoki «yalpiz» kabi hid nomlari bilan birlashtirilgan turli molekulalarning minglab misollarini o‘rganishni boshladi. Maqsad molekula tuzilishi va uning maxsus hid belgisiga ega bo‘lish ehtimoli o‘rtasidagi munosabatni o‘rganishdir.

Oxir-oqibat, muhandislar molekula tuzilishini u chiqaradigan hid bilan bog‘laydigan xaritani yaratadilar. Neyron tarmoq molekulalarning hid nuqtai nazaridan bir-biriga qanchalik yaqinligini ham o‘lchaydi. Umuman olganda, olimlar ikki xil ta’m va hid ma’lumotlaridagi 5000 dan ortiq molekulalardan foydalanganlar.