Farg‘onada yoshlar salohiyati ancha kuchli ekanini inobatga olib, dasturchilarga talab ortayotgan kompaniyalarga o‘z filiallarini ushbu viloyatda ochishlarini tavsiya qilamiz!

UZINFOCOM markazining filialini ochdik va qator kompaniyalar faoliyati bilan ham tanishdik, jumladan:

- 300dan ortiq dasturchilar yuqori maosh olib asosan chet elga xizmatlarini eksport qilayotgan Megagroup.ru kompaniyasining filiali;

- 500dan ortiq mijozini o‘z saytidagi interaktiv xaritada ko‘rsatib qo‘ygan BDM kompaniyasi: http://bdm.uz/site/client ;

- 15 mln dollardan ortiq savdo aylanmasiga ega taksilarni boshqarish dasturi va xizmatini hamda 130dan ortiq ishchi o‘rnini yaratgan You Cloud kompaniyasi.

Bu yoshlarning yuqori maosh olib, zamonaviy ofislarda ishlayotganini ko‘rib boshqa yoshlar ham dasturlash va chet tillarini o‘rganishga ko‘proq harakat qilmoqdalar.

Shuning uchun, Toshkentda dasturchilar juda defitsit bo‘layotganidan va ularning ortib borayotgan talablaridan qiynalayotgan kompaniyalar albatta Farg‘onada o‘zlariga xodim tayyorlashga harakat qilsalar foydali bo‘ladi.