Agar biron sababga ko‘ra kontentingiz endi YouTube’da bo‘lishini xohlamasangiz, Google buning uchun ikkita usulni taklif qiladi: kanalni yashirish va butunlay o‘chirish.

Birinchi holda, obunachilar va boshqa foydalanuvchilar resurs nomini, videolarni, obunalar haqidagi ma’lumotlarni ko‘ra olmaydi. Video ostidagi barcha sharhlar yo‘qoladi, ammo boshqa Google xizmatlaridagi hisob ma’lumotlarining qolgan qismi saqlanib qoladi. Kontent yashirin bo‘ladi, videolar, sharhlar va pleylistlarni yuklab olish funksiyasi yo‘qoladi. Biroq, kanalni qayta tiklash mumkin.

Agar qaroringizga qat’iy bo‘lsa, u holda kanalni barcha kontent, jumladan pleylist, sharh, xabar, shuningdek, ko‘rish va qidiruv tarixi bilan birga butunlay o‘chirib tashlashingiz mumkin. Bunday holatda pulli obunalar bekor qilinadi, lekin pullik muddat tugaguncha ishlashda davom etadi.

YouTube kanalini qanday o‘chirish mumkin?

Ijodiy studiya sahifasini oching va olti burchakli belgini bosish orqali sozlamalarga o‘ting.

«Kanal»  → «Kengaytirilgan sozlamalar» bo‘limiga o‘ting.

Ro‘yxatni pastga tushiring va «YouTube’dan kontentni o‘chirish» tugmasini bosing.

Akkauntni boshqarish sahifasida Google profilingizga kiring.

«Kontentni butunlay o‘chirib tashlamoqchiman» tugmasini bosing.

Qabul qilish uchun chapdagi katakchalarni belgilang va «Kontentni o‘chirish»ni bosing.

Hisobingiz nomini qo‘lda kiriting va yana "Kontentimni o‘chirish" tugmasini bosing.

Keyin, videolarni o‘chirish jarayonini boshlang. Kontentlar soniga qarab, bir necha daqiqadan bir necha kungacha davom etishi mumkin.