Америкалик олимлар видеотрансляцияларни дипфейк ва бошқа хилда сохталаштиришлардан ҳимоя қилиш тизимини ишлаб чиқишди.

Мутахассисларнинг фикрича, айрим ҳолларда видео ва аудио файлларнинг ҳақиқийлигини метамаълумотлар ёрдамида тасдиқлаш мумкин. Бироқ бу энг хавфсиз аутентификация усули эмас, чунки бу турдаги маълумотлар ўчирилади. Шунингдек, у жонли эфирларни оммавий ёзиб олиш учун унчалик мос эмас.

“Биз дуч келадиган катта муаммо — оммавий нутқ ёки матбуот анжумани каби жонли тадбирларда содир бўладиган воқеалар. Томошабинлардан кимдир нутқнинг видеосини ёзиб олиши ва уни исталган жойга юклаши мумкин. Ўз навбатида, ёмон ниятли одамларга тарқатилиши эҳтимоли бор”, — деди тадқиқотчилардан бири, информатика кафедраси доценти Нирупам Рой.

Ушбу муаммони ҳал қилиш учун Рой ва унинг жамоаси TalkLock тизимини яратди, у жамоат арбоби имижининг ҳақиқийлигини ҳимоя қила оладиган QR код тақдим этади. Код жонли эфир ёзуви турли форматларда жойлаштирилган, ижтимоий тармоқларга юкланган ёки телевизорда кўрсатилган бўлса ҳам текшириш имконини беради. Бу эса глобал тармоқдаги туҳмат ва дезинформацияга қарши курашда ёрдамчидир.