Япониянинг Toshiba компанияси литийли аккумуляторлар чиқарувчи пешқадамлар сирасига кирмайди, шунга қарамасдан, юқори волтли литийли аккумуляторлар соҳаси кашшофига айланиши мумкин.

Бугун, 5 декабр куни компания тақдим этган шу турдаги батарея прототипи 5 волт (V) кучланиш ва 1,5 Ампер/соат сиғимга эга бўлиб, тезкор қувватлашни қўллайди. Аккумулятор қувватланиш/қувватсизланишнинг 6000 циклига эга.

Бу тоифа аккумуляторлар келгусида электр қурилмалар ва электромобилларни жуда кучли муқобил ишлаш воситаси билан таъминланиши мумкин.

Ҳозир фойдаланувдаги литийли аккумуляторларнинг ишчи кучланиши 4 волтдан паст. Литийли батареялар ихтиро қилинганидан буён улардаги кучланишни ошириш кун тартибидан тушган эмас.

Toshibaнинг янги инқилобий аккумулятори жуда кам никел ишлатилган ва кобалтсиз катодга қурилган. Анод эса ниобий-титан оксиди(NTO)дан тайёрланган. Юқори волтли литийли аккумуляторлар яратишга тўсқинлик қилиб келган асосий нарса — аккумуляторда газнинг ҳосил бўлиши эди, японлар катодларни ишлаб чиқаришда шу жиҳатни ҳисобга олишди.

Аккумулятор прототипи едирилишга жуда чидамли экани билан ҳам таҳсинга лойиқ — 6000 цикл тўлиқ қувватланганида ҳам сиғимини жуда кам йўқотади.

“Синовлар чоғи батарея 3 волтдан юқори кучланиш, 5 дақиқада 80 фоизгача қувватланиш, юқори куч кўрсаткичлари, ҳатто  60 ℃ ҳароратда ҳам аъло хизмат муддати хусусиятларини намоён этди”, — дейилади Toshiba хабарида.

Компания аниқлик киритишича, электромобиллар учун ҳозир кўрсатилган прототипга нисбатан анча катта аккумляторлар ишлаб чиқарилади. Бироқ улар сотувда падо бўлиши учун камида 2028 йилни кутишга тўғри келади.