Массачусетс технология институти тадқиқотчилари суюқ алюминийдан мебел каркасларини уч ўлчамли чоп этиш имконини берувчи янги технологияни ишлаб чиқишди. Катта ўлчамдаги қисмларни бир неча сония ичида босиб чиқариш мумкин, эритилган металл эса бир неча дақиқада совийди.

Муҳандислар босма қатламни тўлдириш учун бир неча хил ашёлар, жумладан, графит кукунлари ва тузни синаб кўришди, якунда шиша шарларни танлашди. Улар эритилган алюминийнинг жуда юқори ҳароратига бардошли бўлиб, металл тез совиши учун нейтрал суспензия вазифасини ҳам бажаради. Ушбу усул айниқса тезкорлик борасида ўзини кўрсатди — технология қўшимчали металл ишлаб чиқариш жараёнига солиштирганда 10 карра тез ишлади. Аммо бу усул детализация бобида камчиликка эга, шу боис декоратив металл буюмлар соҳасида қўллашга ярамайди.

Аммо улкан конструкцияларининг қисмлари батафсил детализацияни талаб қилмайдиган меъморчилик, қурилиш ва саноат дизайни соҳалари янги технология учун истиқболли бўлиши мумкин. Улкан қисмлар саноқли сониялартеда тайёр бўлади, эритилган металл дақиқалар ичида совийди.