Apple iOS 16 ва iPadOS 16 операцион тизимлари учун навбатдаги янгиланишни чиқарди. Улар янги функцияларни қўшмайди, лекин  фойдаланувчиларни хавфли заифликлардан ҳимоя қилишга қодир.

Операцион тизимларнинг сўнгги версияларида Find My иловасида махфий маълумотларнинг чиқиб кетишига олиб келиши мумкин бўлган заифлик бартараф этилди. Бир нечта хавфсизлик ямоқлари ОС ядросини, шунингдек, хакерлар осонгина кириши мумкин бўлган функция ва иловаларни ҳимоя қилишга қаратилган.

Бундан ташқари, янгиланиш WebKit двигателидаги заифликни тузатади, IT-мутахассисларнинг фикрича, тажовузкорлар ундан фаол фойдаланган. Apple расмий веб-сайтида дастурий таъминотдаги тузатишлар ҳақида тўлиқ ҳисоботни ўқишингиз мумкин.

Патчни iPhone 8 ва ундан янгироқ, iPad Pro ва iPad Air (3 авлод ёки ундан кейинги) ва iPad mini 5 авлод ёки ундан кейинги версияларида юклаб олиш мумкин. Бундан ташқари, watchOS 9.6, tvOS 16.6 ва macOS 13.5 операцион тизимларига бир нечта хавфсизлик патчлари киритилган.