Apple компанияси ўзининг янги Vision Pro тўлдирилган реаллик қурилмаси учун турли соҳаларда потенциал харидорларни қидирмоқда. Компания ходимлари ўртасида тарқатилган видеоқўлланмага кўра, қурилмани тиббиёт, таълим ва саноатда қўллашга кўп урғу берилмоқда. Компаниянинг ўз ходимлари бу қурилмани анча имтиёзли нархларда харид қилишлари мумкин.

Bloomberg қўлида пайдо бўлган ушбу видеоролик стенограммасида Vision Proни ишлаб чиқишга масъуллар — Майк Роквелл ва Алан Дай қурилма бозорнинг қайси йўналишларида қўлланилиши мумкинлигини тушунтириб беришган. Улар тиббиёт ва таълимга эътибор қаратиш кераклигини айтишган. Хусусан, жарроҳлар унинг ёрдамида операция қилиш баробарида беморнинг ҳолати ҳақидаги муҳим маълумотларни кўриб туришади. Маълумки, одатда жарроҳлар операция жараёнида ушбу маълумотларни олиш учун сал наридаги мониторларга қарашга мажбур бўлиб, вақт ва диққатни йўқотишади.

Мураккаб техникаларни таъмирлашни ҳам Apple Vision Pro ёдамида оптималлаштириш мумкин дейишмоқда, виртуал дисплейда акс этувчи маслаҳатлар ишчиларга қўл келиши мумкин экан.

Таълимда эса Vision Pro тақдим этажак имкониятлар саноқсиз экан: масалан, жараёнда иштирок эффекти қўлланилган қизиқарли контентлар орқали ўқувчилар дарсларни яхшироқ эслаб қолишлари мумкин бўлади.

Apple компаниясининг оддий ходимлари Vision Pro гарнитурасини камида 25 фозлик чегирма билан харид қилишлари ҳам маълум қилинган. Vision Pro нархи $3499 экани назарда тутилса, ходимларга қурилмани харид қилиш тахминан $2600 га тушади — анчагина пул ёнларида қолади.